ട്രാൻസ്ഫർ റൗണ്ടപ്പ് :ചെൽസിയിൽ പുതിയ താരമെത്തി,അർജന്റീന സൂപ്പർതാരം എൻസോ ഫെർണാണ്ടസ് ചെൽസിയിലേക്കില്ല.

1-എൻസോ ചെൽസിയിലേക്കില്ല: ഖത്തർ ലോകകപ്പിലെ ഏറ്റവും മികച്ച യുവ താരമായി തിരഞ്ഞെടുത്ത അർജന്റീനയുടെ യങ് സെൻസേഷൻ എൻസോ ഫെർണാണ്ടസിനെ ചെൽസിലേക്ക് കൈമാറുന്നില്ലെന്ന് ബെൻഫിക പരിശീലകൻ റോജർ ഷെമിത്. എൻസൊക്കുള്ള റിലീസ് ക്ലോസ് നൽകാമെന്ന് പറഞ്ഞ ശേഷം വിലപേശിയത് എൻസോ-ചെൽസി ട്രാൻസ്ഫർ സാധ്യത മങ്ങി, ഇതോടെ ഈ ട്രാൻസ്ഫർ ഇനിനടക്കില്ലയെന്ന് ബെൻഫിക പരിശീലകൻ വ്യക്തമാക്കി.

2- അയാക്സ് സൂപ്പർ താരം ഡാലി ബ്ലൈൻഡ് ബയേണിൽ: നെതർലാൻഡ്സിന്റെ മുൻ മാഞ്ചസ്റ്റർ യുണൈറ്റഡ് സൂപ്പർ താരം ബ്ലൈൻഡ് കരാർ അവസാനിച്ച് അയാക്സ് വിട്ടു, ആറുമാസത്തെ കരാറിൽ ബയേൺ മ്യുണിക്കുമായി ധാരണയിലെത്തി, ഈ കാലയളവിന് ശേഷം പിന്നീട് ക്ലബ്ബ് നിലനിർത്തണമോ വേണ്ടയോ എന്നുള്ള കാര്യത്തിൽ തീരുമാനമെടുക്കും.

3: ചെൽസി പ്രതിരോധത്തിലേക്ക് ഫ്രാൻസ് താരം എത്തി: 38 മില്യൺ യൂറോയ്ക്ക് മൊണാക്കോയിൽ നിന്ന് ഫ്രാൻസ് പ്രതിരോധ താരമായ ബെനോയിറ്റ് ബദിയാഷൈൽ ചെൽസിയിൽ ചേർന്നു, 2030 വരെ (ഏഴര വർഷത്തെ കരാർ) യാണ് ചെൽസി പ്രതിരോധം കാക്കുവാൻ താരം സ്റ്റാം ഫോർഡ് ബ്രിഡ്ജിൽ ടീമിനൊപ്പം ഉണ്ടായിരിക്കുക.

4: സൗദി ക്ലബ്ബിലേക്ക് പെപെയെ എത്തിക്കാൻ ഒരുങ്ങി റൊണാൾഡോ: സർവ്വകാല റെക്കോർഡ് ട്രാൻസ്ഫറായ സൂപ്പർതാരം ക്രിസ്ത്യാനോ റൊണാൾഡോ അൽ-നസ്ർ ക്ലബ്ബിലേക്ക് പോർച്ചുഗലിൽ തന്റെ സഹതാരമായിരുന്നു പെപെയെ എത്തിക്കാൻ ഒരുങ്ങുന്നതായി യൂറോപ്യൻ മാധ്യമങ്ങൾ റിപ്പോർട്ട് ചെയ്യുന്നു.

5: ഫ്രാൻസ്താരത്തെ ടീമിൽ എത്തിക്കാൻ മാഞ്ചസ്റ്റർ യുണൈറ്റഡ്: ഖത്തർ ലോകകപ്പ് ഫ്രാൻസ് ടീമിൽ അംഗമായിരുന്ന മൊണാക്കോയുടെ സെന്റർ ബാക്ക് ആക്‌സൽ ഡിസാസിക്ക്നു വേണ്ടിയുള്ള നീക്കം നടത്തി ചുവന്ന ചെകുത്താന്മാർ. പ്രീമിയർ ലീഗിലെ ടോട്ടൻ ഹാം അടക്കമുള്ള മറ്റു ചില പ്രമുഖ ക്ലബ്ബുകളും താരത്തെ നോട്ടമിട്ടിട്ടുണ്ട്.