സ്പാനിഷ് താരം സെർജിയോ റാമോസിന് തന്റെ പഴയ ക്ലബ് സെവിയ്യയിലേക്ക് തിരിച്ചു വരാൻ സാധിക്കില്ല

അവരുടെ ഏഴാമത്തെ യൂറോപ്പ ലീഗ് കിരീടം നേടിയതിനുശേഷം സെവിയ്യയിൽ ധാരാളം കാര്യങ്ങൾ സംഭവിച്ചു.ഹെഡ് കോച്ച് ജോസ് ലൂയിസ് മെൻഡിലിബാറിന്റെ കരാറിന്റെ പുതുക്കൽ, കായിക ഡയറക്ടർ മോഞ്ചിയുടെ വിടവാങ്ങൽ പകരമായി വിക്ടർ ഒർട്ടയുടെ വരവ്.പരിചയസമ്പന്നനായ ബാസ്‌ക് പരിശീലകനുമായി അടുത്ത സീസണിനായി തയ്യാറെടുക്കുകയാണ് ലാലിഗ ക്ലബ്.

എന്നാൽ അവർ സെർജിയോ റാമോസിന് വേണ്ടി ഒരു നീക്കം നടത്തുമോ? എന്നറിയാന് എല്ലാവരും കാത്തിരിക്കുന്നത്. സ്പാനിഷ് ഔട്ട്‌ലെറ്റ് റെലെവോ പറയുന്നതനുസരിച്ച്, റാമോസിനെ സൈൻ ചെയ്യുന്ന കാര്യം സെവിയ്യ പരിഗണിക്കുന്നില്ല.37-കാരൻ ക്ലബ്ബിന്റെ സമ്മറിൽ ലക്ഷ്യമല്ല എന്ന് ക്ലബ് പറയുകയും ചെയ്തു.കരീം റെക്കിക്ക്, ടാംഗുയ് നിയാൻസോ, ലോയിക് ബേഡ്, മാർക്കാവോ, നെമഞ്ജ ഗുഡെൽജ് എന്നിവർ ടീമിൽ ഉള്ളതിനാൽ, അവർ സെന്റർ ബാക്ക് സ്ഥാനത്തേക്ക് പുതിയൊരു താരത്തെ കൊണ്ട് വരാൻ സെവിയ്യ താല്പര്യപെടുന്നില്ല.

പിഎസ്‌ജിയുമായുള്ള പാരീസിലെ രണ്ടു വർഷത്തെ ജീവിതത്തിന് ശേഷം അദ്ദേഹത്തിന്റെ കുടുംബവും സ്പെയിനിലേക്ക് മടങ്ങാൻ ആഗ്രഹിക്കുന്നതിനാൽ റാമോസ് തന്റെ മുൻ ക്ലബ്ബിനായി കളിക്കാൻ തയ്യാറാണെന്ന് റേഡിയോ സെവില്ല റിപ്പോർട്ട് ചെയ്തിരുന്നു.ജൂൺ ആദ്യം പിഎസ്‌ജിയിൽ നിന്ന് പിരിഞ്ഞത് മുതൽ, കിംവദന്തികൾ പ്രചരിക്കുകയും സൗദി അറേബ്യയിലേക്കുള്ള മാറ്റത്തെക്കുറിച്ച് ചില ചർച്ചകൾ നടക്കുകയും ചെയ്തു, എന്നിരുന്നാലും ഒരു ക്ലബ്ബുമായി കരാറിലെത്താൻ സാധിച്ചില്ല.ഫ്രഞ്ച് ചാമ്പ്യൻമാരായ പിഎസ്ജിയുമായി വെറ്ററൻ ഡിഫൻഡർക്ക് രണ്ട് വ്യത്യസ്ത സീസണുകൾ ഉണ്ടായിരുന്നു.

പാർക് ഡെസ് പ്രിൻസസിലെ തന്റെ ആദ്യ കാമ്പെയ്‌നിലെ പരിക്കുകൾക്ക് ശേഷം, 2022-23 ൽ ക്രിസ്‌റ്റോഫ് ഗാൽറ്റിയറിന്റെ ടീമിന്റെ പ്രധാന ഭാഗമായി, ബാക്ക്‌ലൈനിലും ഡ്രസ്സിംഗ് റൂമിലും ഒരു നേതാവായി പ്രവർത്തിച്ചു.റാമോസ് സീസണിലുടനീളം ആകെ 45 മത്സരങ്ങൾ കളിച്ചു, 33 ലീഗ് 1-ലും എട്ട് ചാമ്പ്യൻസ് ലീഗും. ശാരീരികമായി താൻ ഇപ്പോഴും മികച്ച നിലയിലാണെന്ന്‌ അദ്ദേഹം തെളിയിച്ചു, എന്നാൽ 2023-24 ൽ അദ്ദേഹം ആ ഫോം തുടരുമോ എന്നാണ് കണ്ടറിയേണ്ടത്.