ഇന്ത്യൻ സൂപ്പർ ലീഗിൽ കൊൽക്കത്തയിൽ നടന്ന മത്സരത്തിൽ ഈസ്റ്റ് ബംഗാളിനെതിരെ കേരള ബ്ലാസ്റ്റേഴ്സിന് തോൽവി . ഒന്നിനെതിരെ രണ്ടു ഗോളുകളുടെ വിജയമാണ് ഈസ്റ്റ് ബംഗാൾ നേടിയത്. ആദ്യ പകുതിയിൽ മലയാളി താരം വിഷ്ണുവിലൂടെ മുന്നിലെത്തിയ ഈസ്റ്റ് ബംഗാൾ രണ്ടാം പകുതിയിൽ ഹിജാസി ലീഡ് ഉയർത്തി. 85 ആം മിനുട്ടിൽ ഡാനിഷ് ഫാറൂഖ് ബ്ലാസ്റ്റേഴ്സിന്റെ ആശ്വാസ ഗോൾ നേടി.
കൊൽക്കത്തയിൽ നടക്കുന്ന ഈസ്റ്റ് ബംഗാളിനെതിരെയുള്ള മത്സരത്തിൽ കേരള ബ്ലാസ്റ്റേഴ്സിന്റെ ആദ്യ ഇലവനിൽ ജീസസ് ജിമെനെസ് തിരിച്ചെത്തി.സസ്‌പെൻഡ് ചെയ്യപ്പെട്ട ഐബാൻ ഡോളിങ്ങിന് പകരം ഡിഫൻഡർ നവോച്ച സിംഗും ടീമിലേക്ക് തിരിച്ചെത്തി.മുൻ ബ്ലാസ്റ്റേഴ്സ് താരങ്ങളായ സ്‌ട്രൈക്കർ ഡിമിട്രിയോസ് ഡയമന്റകോസ്, മിഡ്ഫീൽഡർ ജീക്‌സൺ സിംഗ്, ഡിഫൻഡർ നിഷു കുമാർ, വിംഗർ നോറം മഹേഷ്, ഗോൾകീപ്പർ പ്രഭ്‌സുഖൻ ഗിൽ എന്നിവരും ഈസ്റ്റ് ബംഗാൾ ഇലവനിൽ ഉണ്ട്.
മത്സരത്തിൽ ബ്ലാസ്റ്റേഴ്സ് മികച്ച തുടക്കം കുറിച്ചു, ആദ്യ 10 മിനിറ്റിൽ കേരള ബ്ലാസ്റ്റേഴ്സ് പൊസഷനിൽ ആധിപത്യം സ്ഥാപിച്ചു.15-ാം മിനിറ്റിൽ ഡിമിട്രിയോസ് ഡയമന്റകോസിന്റെ ഷോട്ടിൽ ച്ചിൻ സുരേഷ് ഒരു മികച്ച ലോ സേവ് നടത്തി.20-ാം മിനിറ്റിൽ മനോഹരമായ ഫിനിഷിലൂടെ പി വി വിഷ്ണു ബ്ലാസ്റ്റേഴ്‌സിനെ ഞെട്ടിച്ചു. കാസർഗോഡ് സ്വദേശിയായ താരം സിൽവയിൽ നിന്ന് ഒരു നീണ്ട ഡയഗണൽ പാസ് സ്വീകരിക്കുകയും തുടർന്ന് ഫ്രെഡിയെ വേഗതകൊണ്ട് തോൽപ്പിക്കുകയും കീപ്പർ സച്ചിനെ മറികടന്ന് വിഷ്ണു ശാന്തമായി പന്ത് ഒഴിഞ്ഞ വലയിലേക്ക് അടിച്ചു കൊറൗ സിംഗിന് അത് ക്ലിയർ ചെയ്യാൻ കഴിഞ്ഞില്ല.
ഡയമന്റകോസ് ഒരു കട്ട് ബാക്ക് ഉപയോഗിച്ച് സിൽവയെ ബോക്സിൽ കണ്ടെത്തിയപ്പോൾ ഈസ്റ്റ് ബംഗാൾ ലീഡ് ഇരട്ടിയാക്കി എന്ന് തോന്നിച്ചുവെങ്കിലും ബ്രസീലിയൻ താരത്തിന് ലക്‌ഷ്യം കാണാൻ സാധിച്ചില്ല.35 മിനിറ്റിനുശേഷം വെനിസ്വേലൻ റിച്ചാർഡ് സെലിസ് റേഞ്ചിൽ നിന്നുള്ള ഒരു ഷോട്ടിലൂടെ ബ്ലാസ്റ്റേഴ്സ് പ്രതിരോധത്തെ പരീക്ഷിച്ചു, പക്ഷേ പന്ത് പോസ്റ്റിൽ തട്ടി പുറത്തേക്ക് പോയി. ആദ്യ പകുതിയിൽ ബ്ലാസ്റ്റേഴ്സിന്റെ ഭാഗത്ത് നിന്നും കാര്യമായ മുന്നേറ്റങ്ങൾ ഒന്നും ഉണ്ടായില്ല.
രണ്ടാം പകുതിയിൽ കേരള ബ്ലാസ്റ്റേഴ്സിൽ നിന്നും ചില മുന്നേറ്റങ്ങൾ കാണാൻ സാധിച്ചു. 72 ആം മിനുട്ടിൽ ഈസ്റ്റ് ബംഗാൾ ലീഡുയർത്തി.സെറ്റ് പീസിൽ നിന്ന് ഹിജാസി ഗോൾ നേടി. അവസാന പത്തു മിനുട്ടിൽ പൊരുതി കളിച്ച കേരള ബ്ലാസ്റ്റേഴ്സ് 84 ആം മിനുട്ടിൽ ഒരു ഗോൾ തിരിച്ചടിച്ചു. ഡാനിഷ് ഫാറൂഖ് ആണ് ബ്ലാസ്റ്റേഴ്സിനായി ഗോൾ നേടിയത്.
