അർജന്റീനയുടെ ഇതിഹാസ താരം ലയണൽ മെസ്സി 2026 ലോകകപ്പിൽ കളിക്കാൻ ആഗ്രഹിക്കുന്നു, പക്ഷേ ഔദ്യോഗിക പ്രഖ്യാപനങ്ങൾ നടത്താൻ ഇനിയും സമയമായിട്ടില്ല എന്ന് അദ്ദേഹത്തിന്റെ ദേശീയ പരിശീലകൻ ലയണൽ സ്കലോണി വ്യാഴാഴ്ച പറഞ്ഞു.ഖത്തറിൽ 2022 ലെ ലോകകപ്പ് കിരീടത്തിലേക്ക് അർജന്റീനയെ നയിച്ച സ്കലോണി, എട്ട് തവണ ബാലൺ ഡി ഓർ ജേതാവായ 37 കാരനായ ലയണൽ മെസ്സിയുടെ ടീമിൽ തുടരാനുള്ള ആഗ്രഹത്തെക്കുറിച്ച് വിശദീകരിച്ചു.
“ആദ്യം പറയേണ്ട കാര്യം, ലോകകപ്പിന് മുൻപ് ധാരാളം സമയം ബാക്കിയുണ്ട് എന്നാണ്. മെസ്സി ലോകകപ്പിൽ കളിയ്ക്കാൻ ആഗ്രഹിക്കുന്നുവെന്ന കാര്യം അദ്ദേഹത്തിന് സഹ താരങ്ങൾക്കും അറിയാം.കാര്യങ്ങൾ എങ്ങനെ വികസിക്കുമെന്ന് കാത്തിരുന്ന് കാണേണ്ടിവരും. നമ്മൾ എന്താണ് ചിന്തിക്കുന്നതെന്ന് അദ്ദേഹത്തിന് (മെസ്സി) അറിയാം, അദ്ദേഹം നമ്മളിൽ ഏറ്റവും ബുദ്ധിമാനാണ്,” കോച്ച് പറഞ്ഞു.
🚨 Lionel Scaloni: "Messi to play in the 2026 World Cup? He has a desire, just like his teammates and the first thing to say is that they are aware that there is still a reasonable amount of time left.”
— All About Argentina 🛎🇦🇷 (@AlbicelesteTalk) January 30, 2025
“We have to take it step by step… There is time, let time pass and see how… pic.twitter.com/kSBXCyoJO5
കഴിഞ്ഞ വർഷം തന്റെ രണ്ടാമത്തെ കോപ്പ അമേരിക്ക ട്രോഫി നേടിയതിന് ശേഷം അന്താരാഷ്ട്ര ഫുട്ബോളിൽ നിന്ന് വിരമിക്കാൻ തീരുമാനിച്ച മുൻ അർജന്റീന ഫോർവേഡ് ഏഞ്ചൽ ഡി മരിയയെക്കുറിച്ചും സ്കലോണി സംസാരിച്ചു. അദ്ദേഹം വിചാരിച്ചത് പോലെയാണ് കരിയർ അവസാനിച്ചതെന്നും പരിശീലകൻ പറഞ്ഞു.
കഴിഞ്ഞ 2024 MLS സീസണിൽ, മെസ്സി 25 മത്സരങ്ങളിൽ നിന്ന് ആകെ 23 ഗോളുകൾ നേടി, കൂടാതെ തന്റെ ടീം ഇന്റർ മിയാമിയെ ഒരു സപ്പോർട്ടേഴ്‌സ് ഷീൽഡ് കിരീടത്തിലേക്ക് നയിച്ചു. ഇതുവരെ രണ്ട് സീസണുകളിൽ, അർജന്റീനിയൻ ക്യാപ്റ്റൻ മിയാമിക്കായി 39 മത്സരങ്ങളിൽ നിന്ന് 34 ഗോളുകൾ നേടിയിട്ടുണ്ട്.ദേശീയ ടീമുമായുള്ള മെസ്സിയുടെ ഭാവി അനിശ്ചിതത്വത്തിലാണെങ്കിലും, 2026 ലെ ലോകകപ്പിൽ അദ്ദേഹത്തെ കാണാനുള്ള സാധ്യത ആരാധകരെയും സഹതാരങ്ങളെയും ഒരുപോലെ ആവേശഭരിതരാക്കുന്നു.