അർജന്റീന ക്യാപ്റ്റൻ ലയണൽ മെസ്സി 2026 ഫിഫ ലോകകപ്പിൽ കളിക്കുമോ എന്ന ചോദ്യം പരിശീലകൻ ലയണൽ സ്കെലോണിക്ക് മുന്നിൽ വീണ്ടും വന്നിരിക്കുകയാണ്.ഖത്തർ ലോകകപ്പിൽ അർജന്റീനയെ കിരീടം ചൂടിച്ച സൂപ്പർ താരം ലയണൽ മെസ്സിയെ വീണ്ടുമൊരു ലോകകപ്പിൽ കാണാൻ സാധിക്കുമോ എന്നറിയാനുള്ള ആകാംക്ഷയിലാണ് ആരാധകർ. 2026 ൽ കാനഡ – മെക്സിക്കോ – യുഎസ്എ എന്നിവിടങ്ങളിൽ ലോകകപ്പ് നടക്കുമ്പോൾ മെസ്സി 39 വയസ്സ് തികയും.
“2026 ലോകകപ്പിൽ മെസ്സി? 3 വർഷത്തിനുള്ളിൽ എന്തായിരിക്കും എന്നതിനെക്കുറിച്ച് ഇപ്പോൾ സംസാരിക്കാൻ കഴിയില്ല. ഫുട്ബോളിനെ സംബന്ധിച്ചിടത്തോളം അത് മികച്ചതായിരിക്കും, പക്ഷേ 2026 ൽ മെസ്സി അവിടെ ഉണ്ടാകുമോ എന്ന് എനിക്ക് പറയാനാവില്ല, ഞാൻ അവിടെ പോകുമോ എന്ന് പോലും എനിക്കറിയില്ല. ഞങ്ങൾക്ക് ബഹുമാനത്തോടെ കാര്യങ്ങൾ പറയണം, കാരണം ഞങ്ങൾ ഇതുവരെ ലോകകപ്പിന് യോഗ്യത നേടിയിട്ടില്ല” മെസിയുടെ വിരമിക്കലിനെക്കുറിച്ചുള്ള ചോദ്യങ്ങൾക്ക് സ്കെലോണി മറുപടി പറഞ്ഞു.
എല്ലാം അനിശ്ചിതത്വത്തിലാണെന്നും ലോകകപ്പിന്റെ അടുത്ത പതിപ്പിൽ ടീമിന്റെ ചുമതല വഹിക്കുമെന്ന് തനിക്ക് ഉറപ്പില്ലെന്നും അദ്ദേഹം കൂട്ടിച്ചേർത്തു.36 വയസ്സായിട്ടും ലയണൽ മെസ്സി ഒരു മികച്ച കളിക്കാരനായി തുടരുന്നു. ഇന്റർ മിയാമിക്ക് വേണ്ടിയുള്ള അദ്ദേഹത്തിന്റെ സമീപകാല ഫോം ഈ മുതിർന്ന പ്രായത്തിലും അദ്ദേഹത്തിന്റെ നിലവാരത്തിന്റെ തെളിവാണ്.2026 ഫിഫ ലോകകപ്പ് ആരംഭിക്കുമ്പോൾ ലയണൽ മെസ്സിക്ക് ഏകദേശം 40 വയസ്സ് തികയും.
Lionel Scaloni: “Messi at 2026 World Cup? We can’t talk about now what will be in 3 years. For the football it will be great, but I can’t say if Messi is going to be there in 2026 and I don’t even know if I’m going to be there. We have to say things with respect, because we are… pic.twitter.com/67cmipQuwI
— All About Argentina 🛎🇦🇷 (@AlbicelesteTalk) September 6, 2023
നിലവിൽ അര്ജന്റീന ടീമിനൊപ്പമാണ് മെസ്സിയുള്ളത്.2026 ലോകകപ്പിനുള്ള സൗത്ത് അമേരിക്കൻ യോഗ്യതാ മത്സരങ്ങൾക്ക് തുടക്കമാവുകയാണ്. വെള്ളിയാഴ്ച്ച പുലർച്ചെ ഇക്വഡോറിനെതിരായ മത്സരത്തോടെയാണ് അർജന്റീന ദേശീയ ടീം 2026 ലോകകപ്പ് യോഗ്യതാ മത്സരങ്ങൾ ആരംഭിക്കുന്നത്.സെപ്തംബർ 12 ന് ബൊളീവിയയ്‌ക്കെതിരെയും കളിക്കും.
