ജയ്പൂരിൽ സവായ് മാൻസിംഗ് സ്റ്റേഡിയത്തിൽ ഇന്നലെ നടന്ന മത്സരത്തിൽ നിലവിലെ ചാമ്പ്യന്മാരായ ഗുജറാത്ത് ടൈറ്റൻസിനോട് രാജസ്ഥാൻ റോയൽസ് ദയനീയ പരാജയം ഏറ്റുവാങ്ങിയിരുന്നു.പ്ലേഓഫ് സാധ്യത നിലനിര്‍ത്താന്‍ ജയം അനിവാര്യമായിരുന്ന റോയല്‍സ് പൊരുതാന്‍ പോലുമാവാതെയായിരുന്നു വന്‍ പരാജയത്തിലേക്കു കൂപ്പുകുത്തിയത്.
തുടക്കം മുതല്‍ വളരെ ഏകപക്ഷീയമായിരുന്നു മല്‍സരം. ബാറ്റിങില്‍ തികഞ്ഞ പരാജയമായി മാറിയ റോയല്‍സിനു ബൗളിങിലും യാതൊരു ഇംപാക്ടും സൃഷ്ടിക്കാന്‍ സാധിച്ചില്ല. ആദ്യം ബാറ്റ് ചെയ്യാൻ തിരഞ്ഞെടുത്ത RR വെറും 118 റൺസിന് പുറത്തായി, ജിടി 37 പന്തുകൾ ശേഷിക്കെ ലക്ഷ്യം മറികടന്നു.ഇന്നലത്തെ തോൽവിയോടെ സീസണിലെ അവസാന അഞ്ചിൽ നാല് കളികളും റോയൽസ് തോറ്റു. .മത്സര ശേഷം സഞ്ജു സാംസൺ പറഞ്ഞ വാക്കുകൾ അതിനാൽ തന്നെ ശ്രദ്ധേയമാണ്.
“ഞങ്ങൾക്ക് വളരെ കഠിനമായ ഒരു രാത്രി ആയിരുന്നു. മത്സരം മനോഹരമായി ആരംഭിക്കാൻ ശരിക്കും ഒരു നല്ല പവർപ്ലേ ഉണ്ടായിരുന്നില്ല,ഒപ്പം സ്പിന്നർമാർക്കെതിരെ അവർ മികച്ചതായി പോരാടി.അവരുടെ ബൗളർമാർ മികച്ച ലൈനിലും ലെങ്തിലും പന്തെറിയുകയും മധ്യ ഓവറുകളിൽ നിർണായകമായ ചില വിക്കറ്റുകൾ വീഴ്ത്തുകയും ചെയ്തു, അത് സംഭവിക്കുമ്പോൾ, നിങ്ങൾക്ക് ഒന്നും ചെയ്യാൻ കഴിയില്ല” സഞ്ജു പറഞ്ഞു.
Sanju Samson was looking so promising! #RRvsGT #IPL2023 #Cricket pic.twitter.com/XiMLNvOHRn
— OneCricket (@OneCricketApp) May 5, 2023
“ഞങ്ങൾ ചെയ്യേണ്ടവയുടെ ലിസ്റ്റ് പരിശോധിച്ച് യഥാർത്ഥത്തിൽ നല്ല ക്രിക്കറ്റ് കളിക്കുന്നുണ്ടോ എന്ന് നോക്കണം.രണ്ട് നിർണായക ഗെയിമുകൾ വരുന്നു, അടുത്ത രണ്ടാഴ്ചയ്ക്കുള്ളിൽ ഗെയിമുകൾ വിജയിക്കാൻ ഞങ്ങൾ കാത്തിരിക്കുകയാണ്”” അദ്ദേഹം പറഞ്ഞു.ഗുജറാത്ത് ടൈറ്റൻസ് 10 മത്സരങ്ങളിൽ നിന്ന് 14 പോയിന്റുമായി പോയിന്റ് പട്ടികയിൽ ഒന്നാം സ്ഥാനത്ത് തങ്ങളുടെ സ്ഥാനം ഉറപ്പിച്ചപ്പോൾ, തുടർച്ചയായ തോൽവികളെ തുടർന്ന് RR-ന് ഇപ്പോൾ 10 മത്സരങ്ങളിൽ നിന്ന് 10 പോയിന്റുണ്ട്.
