ഇന്ത്യൻ സൂപ്പർ ലീഗിൽ ഇന്ന് നടക്കുന്ന മത്സരത്തിൽ കേരള ബ്ലാസ്റ്റേഴ്‌സ് ഒഡീഷയെ നേരിടും. പഞ്ചാബ് എഫ്സിയെ പരാജയപ്പെടുത്തിയ ആത്മവിശ്വാസത്തിലാണ് കേരള ബ്ലാസ്റ്റേഴ്‌സ് ഇന്ന് കൊച്ചിയിൽ ഇറങ്ങുന്നത്. തുടർ പരാജയങ്ങൾക്ക് ശേഷം തിരിച്ചുവരവിൻ്റെ പാതയിലുള്ള ബ്ലാസ്റ്റേഴ്സിന് സ്ഥായിയായ പ്രകടനം കാഴ്ചവെക്കാനുള്ള ശ്രമത്തിലാണ്. കേരള ബ്ലാസ്റ്റേഴ്സിന്റെ മുന്‍ താരവും മലയാളിയുമായ രാഹുല്‍ കെ പിയുടെ വരവ് തന്നെയാണ് മത്സരത്തിന്റെ സവിശേഷത.
എന്നാല്‍ ബ്ലാസ്റ്റേഴ്സിനെതിരെ രാഹുലിന് ഇന്ന് കൊച്ചിയില്‍ കളിക്കാന്‍ സാധിക്കില്ലെന്നാണ് ഇപ്പോള്‍ വരുന്ന റിപ്പോര്‍ട്ടുകള്‍. ട്രാന്‍സ്ഫര്‍ കരാറില്‍ ഉള്‍പ്പെടുത്തിയിരിക്കുന്ന പ്രത്യേക വ്യവസ്ഥ കാരണമാണ് രാഹുലിന് ബ്ലാസ്റ്റേഴ്‌സിനെതിരായ മത്സരം നഷ്ടമാവുക.ട്രാൻസ്ഫർ കരാറിൽ കെബിഎഫ്‌സി ഉൾപ്പെടുത്തിയിട്ടുള്ള ഒരു നിബന്ധന കാരണം രാഹുൽ കെപിക്ക് ഈ സീസണിൽ കേരള ബ്ലാസ്റ്റേഴ്സിനെതിരെ കളിക്കാൻ കഴിയില്ല.
🚨🎖️Rahul KP cannot play against Kerala Blasters this season due to a clause that has been included by KBFC in the transfer agreement. Odisha can still field Rahul but for a big price. @MarcusMergulhao #KBFC pic.twitter.com/EXVNyicCtf
— KBFC XTRA (@kbfcxtra) January 12, 2025
ഒഡീഷയ്ക്ക് ഇപ്പോഴും രാഹുലിനെ ഫീൽഡ് ചെയ്യാൻ കഴിയും, പക്ഷേ വലിയ വില നൽകേണ്ടി വരും .താരത്തിന് ബ്ലാസ്റ്റേഴ്സിനെതിരെ കളിക്കണമെങ്കിൽ വലിയ തുക നഷ്ടപരിഹാരമായി നൽക്കേണ്ടി വരും. എന്തിരുന്നാലും രാഹുൽ കെപി ഒഡിഷ സ്‌ക്വാഡിനൊപ്പം കൊച്ചിയിലെത്തിയിട്ടുണ്ട്. രാഹുലിന്റെ ബ്ലാസ്റ്റേഴ്‌സിനെതിരെയുള്ള പ്രകടനം കാണാനായുള്ള ആകാംക്ഷയിലാണ് ആരാധകർ.
ഈ ട്രാൻസ്ഫർ വിൻഡോയിൽ കേരള ബ്ലാസ്റ്റേഴ്‌സ് വിട്ട് ഒഡിഷയിൽ ചേർന്ന രാഹുൽ കെപി ആദ്യ മത്സരത്തിൽ മുഴുവൻ സമയവും കളിച്ചു.അഞ്ച് വർഷത്തെ അവിസ്മരണീയമായ കാലയളവിനുശേഷം രാഹുൽ ബ്ലാസ്റ്റേഴ്‌സിനോട് വിട പറഞ്ഞു, ആ കാലയളവിൽ അദ്ദേഹം 81 ലീഗ് മത്സരങ്ങൾ കളിച്ചു. പകരക്കാരനായി കൂടുതലും ഉപയോഗിച്ചതിനാൽ ഈ സീസണിൽ ബ്ലാസ്റ്റേഴ്‌സിൽ രാഹുലിന്റെ സമയം പരിമിതമായിരുന്നു.നവംബർ 24 ന് കൊച്ചിയിൽ ചെന്നൈയിനിനെതിരെ 3-0 ന് നേടിയ വിജയമാണ് ഈ സീസണിൽ ബ്ലാസ്റ്റേഴ്‌സിനായി അദ്ദേഹം നേടിയ ഏക ഗോൾ.