‘മാഞ്ചസ്റ്റർ യുണൈറ്റഡിൻ്റെ മാനേജ്‌മെൻ്റ് നാളെ മെച്ചപ്പെട്ട ഒരാളെ കണ്ടെത്തിയാൽ, ഞാൻ പോകും’: ടെൻ ഹാഗ് | Manchester United
മാഞ്ചസ്റ്റർ യുണൈറ്റഡിൻ്റെ മാനേജ്‌മെൻ്റ് നാളെ മെച്ചപ്പെട്ട ഒരാളെ കണ്ടെത്തിയാൽ, ഞാൻ ക്ലബ്ബിൽ നിന്നും പോകാൻ തയ്യാറാണെന്ന് എറിക് ടെൻ ഹാഗ്.പ്രകടനങ്ങൾ അദ്ദേഹത്തിന് അനുകൂലമാകാത്തതിനാൽ ടെൻ ഹാഗിൻ്റെ ജോലി കഴിഞ്ഞ സീസണിൽ അപകടത്തിലായിരുന്നു. എന്നാൽ ഡച്ച് തന്ത്രജ്ഞനുമായി ചേർന്ന് നിൽക്കാൻ ക്ലബ് തീരുമാനിക്കുകയും 2026 വരെ ഒരു പുതിയ കരാർ നൽകുകയും ചെയ്തു.
“യുണൈറ്റഡ് പോലുള്ള ഒരു ക്ലബ്ബിൽ, ഫലങ്ങളാണ് ഏറ്റവും പ്രധാനപ്പെട്ട കാര്യം, നിങ്ങൾക്ക് അത് ലഭിച്ചില്ലെങ്കിൽ, നിങ്ങൾ കുഴപ്പത്തിലാണ്.ശരിയായ ഘടനകളും മാനേജർമാരുമായുള്ള നല്ല ബന്ധവും ഉണ്ടെങ്കിൽ കാര്യങ്ങൾ മെച്ചപ്പെടുമെന്ന് ” ഡച്ച് ദിനപത്രമായ അൽഗെമീൻ ഡാഗ്ബ്ലാഡിനോട് സംസാരിച്ച ടെൻ ഹാഗ് പറഞ്ഞു. “യുണൈറ്റഡിൻ്റെ മാനേജ്‌മെൻ്റ് നാളെ മികച്ചതെന്ന് അവർ കരുതുന്ന ഒരാളെ കണ്ടെത്തിയാൽ, ഞാൻ പോകും. അത് വളരെ ലളിതമാണ്. ഫുട്‌ബോളിലെ മെക്കാനിസങ്ങളെയാണ് നിങ്ങൾ ബഹുമാനിക്കേണ്ടത്. ഇത്തരമൊരു ക്ലബ്ബിൽ, ഇത് വളരെ വ്യക്തമാണ്.നിങ്ങൾ വിജയിച്ചില്ലെങ്കിൽ, നിങ്ങൾക്ക് ഒരു പ്രശ്നമുണ്ട്” ടെൻ ഹാഗ് കൂട്ടിച്ചേർത്തു.
കഴിഞ്ഞ സീസണിൽ യുണൈറ്റഡ് കളിക്കാർക്ക് ഏകദേശം 60-ലധികം വ്യത്യസ്ത പരിക്കുകൾ നേരിട്ടതിനെക്കുറിച്ച് ടെൻ ഹാഗ് പറഞ്ഞു.”പരിക്കുകളോടെ മല്ലിടുന്ന ഒരേയൊരു ടീം ഞങ്ങൾ മാത്രമല്ല, മറ്റ് ക്ലബ്ബുകൾക്കും അങ്ങനെ തന്നെയായിരുന്നു, ”അദ്ദേഹം വെള്ളിയാഴ്ച ഡച്ച് ദിനപത്രമായ അൽഗെമീൻ ഡാഗ്ബ്ലാഡിനോട് പറഞ്ഞു.“കഴിഞ്ഞ സീസണിൽ ഞങ്ങൾ ഒരേ പൊസിഷനുകളിലുള്ള കളിക്കാർക്ക് തുടർച്ചയായി പരിക്കുകളുണ്ടായിരുന്നു,ഒരു ഘട്ടത്തിൽ ഞങ്ങൾക്ക് മിക്കവാറും ഡിഫൻഡർമാരില്ലായിരുന്നു. ഞാൻ ഇവിടെ ആരംഭിക്കുമ്പോൾ, യുണൈറ്റഡ് ആറ് വർഷമായി ഒരു ട്രോഫി നേടിയിരുന്നില്ല, അവർക്ക് ഇവിടെ നല്ല മാനേജർമാരില്ലാത്തതുകൊണ്ടായിരുന്നില്ല അത്” ടെൻ ഹാഗ് പറഞ്ഞു.
ട്രാൻസ്ഫർ വിൻഡോ വീണ്ടും തുറന്നതിന് ശേഷം ലില്ലിൽ നിന്ന് ലെനി യോറോയെയും ബൊലോഗ്നയിൽ നിന്ന് ജോഷ്വ സിർക്‌സിയെയും സൈനിംഗിലൂടെ യുണൈറ്റഡ് സ്വന്തമാക്കി.
