ഇന്ത്യൻ പ്രീമിയർ ലീഗിൽ ഇന്ന് ജയ്പൂരിൽ നടക്കുന്ന മത്സരത്തിൽ സൺറൈസേഴ്സ് ഹൈദരാബാദും രാജസ്ഥാൻ റോയൽസും നേർക്ക് നേർ ഏറ്റുമുട്ടും.കഴിഞ്ഞ സീസണിൽ റണ്ണേഴ്‌സ്-അപ്പ് ടീമായ റോയൽസ് പ്ലെ ഓഫ് പ്രതീക്ഷകൾ നിലനിരത്താനാണ് ഇന്നിറങ്ങുന്നത്.കഴിഞ്ഞ അഞ്ച് കളികളിൽ നാലെണ്ണം പരാജയപ്പെട്ട റോയൽസിന് ഇന്നത്തെ മത്സരം വളരെ നിർണായകമാണ്.
വെള്ളിയാഴ്ച ഗുജറാത്ത് ടൈറ്റൻസിനെതിരായ മത്സരത്തിൽ ദയനീയ തോൽവിയാണു റോയൽസ് ഏറ്റുവാങ്ങിയത്.യശസ്വി ജയ്‌സ്വാൾ, ജോസ് ബട്ട്ലർ, സഞ്ജു സാംസൺ, ഷിമ്‌റോൺ ഹെറ്റ്‌മെയർ, ട്രെന്റ് ബോൾട്ട്, രവിചന്ദ്രൻ അശ്വിൻ, യുസ്‌വേന്ദ്ര ചാഹൽ എന്നിവരടങ്ങുന്ന ടീമിന് സീസണിൽ മികച്ച തുടക്കം ലഭിച്ചെങ്കിലും അത് തുടരാനായില്ല.ഇന്നും കൂടി തോറ്റാൽ അത് സഞ്ജുവിനും ടീമിനും നൽകുന്ന പ്രഹരം വലുതാകും. ഇന്നത്തെ മാച്ചിൽ റോയൽസ് ടീമിൽ ചില മാറ്റങ്ങൾക്കും സാധ്യതയുണ്ട്.10 പോയിന്റ് നേടിയ റോയൽസ് ടീമിന് പ്ലേഓഫിലേക്ക് സ്ഥാനം നേടാൻ രണ്ട് ജയങ്ങൾ മിനിമം ആവശ്യമാണ്.
ആദ്യ ഒമ്പത് മത്സരങ്ങളിൽ മൂന്നെണ്ണം ജയിച്ച സൺറൈസേഴ്സ് ആറ് പോയിന്റുമായി പോയിന്റ് പട്ടികയിൽ അവസാന പകുതിയിലാണ്. നോക്കൗട്ട് ഘട്ടത്തിലേക്ക് കടക്കണമെങ്കിൽ, ശേഷിക്കുന്ന എല്ലാ മത്സരങ്ങളും അവർക്ക് ജയിക്കണം.ഓപ്പണർ ബട്ട്ലർ അടക്കമുള്ള പ്രധാന താരങ്ങൾ റൺസ് കണ്ടെത്താനാവാത്തത് റോയൽസിന് വലിയ തിരിച്ചടിയാണ് നൽകുന്നത്. സഞ്ജു സാംസൺ, ദേവദത്ത് പടിക്കൽ, ഷിമ്‌റോൺ ഹെറ്റ്‌മെയർ എന്നിവർക്ക് ആവശ്യമുള്ളപ്പോൾ റൺസ് കണ്ടെത്താനാവുന്നില്ല. യശസ്വി ജയ്‌സ്വാൾ മാത്രമാണ് സ്ഥിരതയാർന്ന പ്രകടനം കാഴ്ചവെക്കുന്നത്.
അതിനാൽ കുറച്ച് വിജയങ്ങൾ ഒരുമിച്ച് കൊണ്ടുവരാൻ അവർക്ക് അവരുടെ സീനിയർ ബാറ്റർമാർ വരും മത്സരങ്ങളിൽ സംഭാവന നൽകേണ്ടതുണ്ട്.കൂടാതെ ബൗളിങ്ങിൽ യഥേഷ്ടം റൺസ് വഴങ്ങുന്നതും റോയൽസിന് വിഷമം ഉണ്ടാക്കുന്ന കാര്യമാണ്. കെകെആറിനെതിരായ മത്സരത്തിൽ പരാജയപ്പെട്ടതിന് ശേഷം ഒമ്പത് കളികളിൽ നിന്ന് ആറ് പോയിന്റുമായി എസ്ആർഎച്ച് ഒമ്പതാം സ്ഥാനത്ത് തുടരുന്നു.നോക്കൗട്ട് റൗണ്ടിലേക്ക് മുന്നേറാനുള്ള സാധ്യത കുറവാണ്. പ്ലേ ഓഫിലേക്ക് മുന്നേറുന്നതിന് SRH അവരുടെ അവസാന അഞ്ച് ലീഗ് ഘട്ട മത്സരങ്ങളിൽ ഓരോന്നും ജയിച്ചിരിക്കണം.
അടുത്ത അഞ്ച് മത്സരങ്ങൾ ജയിക്കുകയും 16 പോയിന്റ് നേടുകയും ചെയ്താൽ അവസാന നാലിൽ സ്ഥാനം ഉറപ്പിച്ചേക്കാം. എന്നിരുന്നാലും, രാജസ്ഥാൻ റോയൽസ് (മെയ് 7), എൽഎസ്ജി (മെയ് 13), ജിടി (മെയ് 15), ആർസിബി (മെയ് 18), ആർസിബി (മെയ് 18) എന്നിവയ്‌ക്കെതിരായ അവരുടെ അടുത്ത അഞ്ച് മത്സരങ്ങളിൽ ഒന്ന് പോലും തോറ്റാൽ അവർ പുറത്താകും.
