ഡെംപോയോട് പരാജയപെട്ട് ഗോകുലം കേരള ,പോയിന്റ് ടേബിളിൽ ചർച്ചിലിന് ഒന്നാം സ്ഥാനം | Gokulam Kerala
ആവേശകരമായ പോരാട്ടത്തിനൊടുവിൽ ഡെംപോ ഗോവയോട് ജയിക്കനാവാതെ സ്വപ്‌നങ്ങൾ തകർന്നടിഞ്ഞ് ഗോകുലം കേരള. ഐ ലീഗിലെ അവസാന റൌണ്ട് മത്സരത്തിൽ ഡെംപോ മൂന്നിനെതിരെ നാല് ഗോളുകൾക്ക് ഗോകുലത്തെ കീഴടക്കി .മറ്റൊരു മത്സരത്തിൽ ചർച്ചിൽ കാശ്മീരിനെതിരെ സമനില നേടി ഐ ലീഗ് ഒന്നാം സ്ഥാനം ഉറപ്പാക്കുകയും ചെയ്തു. ഗോകുലം കേരളക്കായി തബിസോ ബ്രൗൺ ഹാട്രിക്ക് നേടിയെങ്കിലും ടീമിനെ വിജയത്തിലെത്തിക്കാൻ സാധിച്ചില്ല.
ഗോകുലം കേരളയുടെ ഗോളോട് കൂടിയാണ് നിർണായക മത്സരം ആരംഭിച്ചത്. തബിസോ ബ്രൗൺ അഞ്ചാം മിനുട്ടിൽ തന്നെ ഗോകുലത്തെ മുന്നിലെത്തിച്ചു. സ്‌ട്രൈക്കർ ഡെംപോയുടെ അവസാന പ്രതിരോധക്കാരനെ മറികടന്ന് താഴെ ഇടത് മൂലയിലേക്ക് പന്ത് കൃത്യമായി എത്തിച്ചു ഗോളാക്കി മാറ്റി.പത്താം മിനിറ്റിൽ ഗോകുലം സ്കോർ 2-0 എന്നാക്കി ഉയർത്തി. ഇത്തവണയും തബിസോ ബ്രൗൺ തന്നെയാണ് ഗോകുലത്തിന്റെ ഗോൾ നേടിയത്.
നാച്ചോ അബെലെഡോയുടെ പാസിൽ നിന്നായിരുന്നു ബ്രൗൺ ഗോൾ നേടിയത്. എന്നാൽ ശക്തമായി തിരിച്ചടിച്ച ഡെംപോ 21 ആം മിനുട്ടിൽ ഒരു ഗോൾ മടക്കി.ക്രിസ്റ്റ്യൻ പെരസ് ആണ് ഗോവൻ ക്ലബ്ബിനായി ഗോൾ നേടിയത്.മാർക്കസ് ജോസഫ് കൊടുത്ത പാസിൽ നിന്നാണ് അർജന്റീനക്കാരൻ ഗോൾ നേടിയത്. 34 ആം മിനുട്ടിൽ ഗോവ ഒപ്പമെത്തി.കപിൽ ഹോബിൾ ആണ് ഡെംപോയുടെ സമനില ഗോൾ നേടിയത്.ഡെംപോ 2-2 എന്ന സമനിലയിൽ എത്തിയപ്പോൾ ഗോകുലത്തിന് രണ്ട് മികച്ച അവസരങ്ങൾ ലഭിച്ചു. ഫസ്റ്റ് വി പി സുഹൈർ എടുത്ത ഷോട്ട് ആശിഷ് സിബിയുടെ മികച്ച സേവ് രക്ഷിച്ചു.
അബെലെഡോയിൽ നിന്നുള്ള ഒരു ഇൻസ്വിംഗിംഗ് കോർണർ സഹതാരങ്ങൾ നഷ്ടപ്പെടുത്തിയപ്പോൾ ഗോകുലത്തിന് ലീഡ് വീണ്ടെടുക്കാനുള്ള വൈകിയ അവസരം ലഭിച്ചു. 60 ആം മിനുട്ടിലും ഗോകുലത്തിനു മുന്നിലെത്താനുള്ള അവസരം ലഭിച്ചെങ്കിലും ഗോളാക്കി മാറ്റാൻ സാധിച്ചില്ല. 64 ആം മിനുട്ടിൽ ഗോകുലം കേരള താരം മഷൂർ ഷെരീഫിന് ഒരു ഫൗളിന് രണ്ടാമത്തെ മഞ്ഞ ഗോൾ കൂടിയായതോടെ ഗോകുലം 10 ആയി കുറഞ്ഞു. എന്നാൽ ശക്തമായി തിരിച്ചുവന്ന ഗോകുലം 73 ആം മിനുട്ടിൽ തബിസോ ബ്രൗൺ ഹാട്രിക്ക് തികച്ച ഗോളിലൂടെ സ്കോർ 3 -3 ആക്കി.ഇഞ്ചുറി ടൈമിൽ ദിദിയർ ബ്രോസോ ഡെംപോയുടെ വിജയ ഗോൾ നേടി സ്കോർ 4 -3 ആക്കി.
