“ കിരീടം എന്ന സ്വപ്നം യാഥാർഥ്യമാകും…..” : ഐഎസ്എൽ 2024-25 സീസണിലെ പ്രതീക്ഷകളെക്കുറിച്ച് ബ്ലാസ്റ്റേഴ്‌സ് പരിശീലകൻ | Kerala Blasters
ഇന്ത്യൻ സൂപ്പർ ലീഗ് (ഐഎസ്എൽ) 2024-25 സീസണിൽ പുതുതായി നിയമിതനായ മുഖ്യ പരിശീലകൻ മൈക്കൽ സ്റ്റാഹെയുടെ കീഴിൽ കേരള ബ്ലാസ്റ്റേഴ്‌സ് വലിയ പ്രതീക്ഷയോടെയാണ് ഇറങ്ങുന്നത്.സ്‌ക്വാഡ് അംഗങ്ങളായ മിലോസ് ഡ്രിൻസിച്ച്, ഇഷാൻ പണ്ഡിറ്റ, സച്ചിൻ സുരേഷ് എന്നിവരോടൊപ്പം കൊച്ചിയിൽ വാർത്താസമ്മേളനത്തിൽ മാനേജർ മാധ്യമങ്ങളെ കണ്ടു.
സെപ്റ്റംബർ 13 നാണ് ഐഎസ്എൽ സീസൺ ആരംഭിക്കുന്നത്. 15 നാണ് കേരള ബ്ലാസ്റ്റേഴ്സിന്റെ ആദ്യ മത്സരം അരങ്ങേറുന്നത്.ഡ്യൂറണ്ട് കപ്പിൽ ടീം കിരീടം നേടാനാകാതെ പുറത്തയെങ്കിലും, ടൂർണമെന്റിലെ മത്സരങ്ങളും, തായ്‌ലൻഡിലെ പ്രീ സീസണും ടീമിന്റെ ഒരുക്കങ്ങൾക്ക് ഗുണം ചെയ്തു എന്നാണ് പുതിയ പരിശീലകൻ മൈക്കിൾ സ്റ്റെഹരേ പറയുന്നത്.“ആ സ്വപ്നം യാഥാർഥ്യമാകും. പക്ഷെ, ഇപ്പോൾ ശ്രദ്ധിക്കുന്നത് ഇന്ത്യൻ സൂപ്പർ ലീഗ് ഫുട്ബോളിലെ ആദ്യ മത്സരത്തിൽ മാത്രമാണ്. ഓരോ മത്സരവും ഓരോന്നായി എടുത്ത്, അതിൽ ശ്രദ്ധ കേന്ദ്രീകരിക്കാനാണ് ശ്രമം” – കേരള ബ്ലാസ്റ്റേഴ്‌സ് പരിശീലകൻ പറഞ്ഞു.
കഴിഞ്ഞ സീസണിൽ ക്ലബിൻ്റെ ടോപ് സ്‌കോററായ ഡിമിട്രിയോസ് ഡയമൻ്റകോസിൻ്റെ വിടവാങ്ങലിനെ കുറിച്ച് ചോദിച്ചപ്പോൾ, മൈക്കൽ സ്റ്റാഹ്രെ പറഞ്ഞു, “തീർച്ചയായും അവൻ ഒരു നല്ല കളിക്കാരനാണ്, പക്ഷേ ഫുട്‌ബോളിൽ ഇത് സാധാരണമാണ്. മഞ്ഞ ഷർട്ട് ധരിക്കുന്നവരിൽ ശ്രദ്ധ കേന്ദ്രീകരിക്കാൻ ഞാൻ ആഗ്രഹിക്കുന്നു. ഞങ്ങൾക്ക് ഒരു മികച്ച ഗ്രൂപ്പുണ്ട്, ഒരു പുതിയ സ്‌ട്രൈക്കറെ ഒപ്പുവച്ചു. ഇപ്പോൾ നമുക്കുള്ള കളിക്കാരിലായിരിക്കണം എൻ്റെ ശ്രദ്ധ”.
“സീസണിൻ്റെ ആദ്യ മിനിറ്റ് മുതൽ അവസാനം വരെ ഞങ്ങൾക്ക് നിങ്ങളുടെ പിന്തുണ ആവശ്യമാണ്. ഫുട്ബോൾ ചില സമയങ്ങളിൽ വെല്ലുവിളി നിറഞ്ഞതാകാം, എന്നാൽ ഒരുപാട് നല്ല നിമിഷങ്ങളുണ്ടാകുമെന്ന് ഞാൻ പ്രതീക്ഷിക്കുന്നു. എല്ലാ ദിവസവും ഞങ്ങൾ നൂറു ശതമാനം നൽകുമെന്ന് എനിക്ക് നിങ്ങൾക്ക് വാഗ്ദാനം ചെയ്യാൻ കഴിയും” മൈക്കൽ സ്റ്റാഹ്രെ ആരാധകരോട് പറഞ്ഞു.
