നിർണായക മത്സരങ്ങളിൽ നിർണായക ഗോളുകൾ നേടുന്ന താരമായാണ് സ്പാനിഷ് മിഡ്ഫീൽഡർ ലൂയിസ് ഗാർഷ്യയെ ലിവർപൂൾ ആരാധകർ കണ്ടിരുന്നത്.2005 ലെ യുവേഫ ചാമ്പ്യൻസ് ലീഗ് ഫൈനൽ ടൂർണമെന്റിന്റെ ചരിത്രത്തിലെ ഏറ്റവും മികച്ച ഒന്നായാണ് കണക്കാക്കുന്നത്.ഗാർസിയ അഞ്ച് തവണ ഗോൾ നേടി,അതിൽ യുവന്റസിനെതിരെയുള്ള ക്വാർട്ടർ ഫൈനൽ ഗോളും ചെൽസിക്കെതിരെയുള്ള സെമി ഫൈനൽ ഗോളും ഉൾപ്പെടുന്നു.
ചെൽസിക്കെതിരെയുള്ള ഗോൾ വളരെ തർക്കവിഷയമായി.പന്ത് ഗോൾ ലൈൻ പൂർണ്ണമായും കടന്നോ എന്നതിനെക്കുറിച്ചുള്ള ചർച്ച തുടരുന്നു. അന്നത്തെ ചെൽസി മാനേജരായിരുന്ന ജോസ് മൗറീഞ്ഞോ ഇതിനെ “പ്രേത ഗോൾ” എന്ന് വിശേഷിപ്പിച്ചു.ഒറ്റ ഗോൾ നിർണായകമായി മാറി, ലിവർപൂളിന് 1-0 എന്ന അഗ്രഗേറ്റ് വിജയം നൽകി ഫൈനലിലേക്ക് കടക്കുകയും മിലാനെ കീഴടക്കി കിരീടം നേടുകയും ചെയ്തു.
2004 മുതൽ 2007 വരെ ലിവർപൂളിനായി വിംഗറായോ അറ്റാക്കിംഗ് മിഡ്ഫീൽഡറായോ കളിച്ച ഗാർഷ്യ ആൻഫീൽഡിൽ ആയിരുന്ന കാലത്ത്, നിർണായകവും അവിസ്മരണീയവുമായ ഗോളുകൾ നേടുന്നതിലൂടെ ആരാധകരുടെ പ്രിയങ്കരനായി. 2006 ഫിഫ ലോകകപ്പിൽ സ്പെയിനിനെ പ്രതിനിധീകരിച്ചു. സ്പാനിഷ് ജേഴ്സിയിൽ 18 മത്സരങ്ങൾ കളിക്കുകയും 4 ഗോളുകൾ നേടുകയും ചെയ്തു.2004 ൽ ബാഴ്‌സലോണയിൽ നിന്ന് ഏകദേശം 6 മില്യൺ പൗണ്ട് പ്രതിഫലത്തിന് അദ്ദേഹം ലിവർപൂളിൽ ചേർന്നത്.2007-ൽ ലിവർപൂൾ വിട്ടതിനുശേഷം ഗാർഷ്യ സ്പെയിൻ, ഗ്രീസ്, മെക്സിക്കോ, ഇന്ത്യ, ഓസ്ട്രേലിയ എന്നിവിടങ്ങളിലെ ക്ലബ്ബുകൾക്കായി കളിച്ചു.
ലോക ഫുട്ബോളിലെ ഏറ്റവും പ്രശസ്തമായ രണ്ട് ക്ലബ്ബുകളായ ലിവർപൂൾ എഫ്‌സിയും എസി മിലാനും തമ്മിലുള്ള പോരാട്ടമായിരുന്നു ഇസ്താംബൂളിൽ നടന്നത്. പകുതി സമയത്ത് 3-0 ന് മുന്നിലെത്തിയ മിലാൻ സുഖകരമായ വിജയത്തിനായി ഒരുങ്ങുകയായിരുന്നു. എന്നാൽ രണ്ടാം പകുതിയിൽ ലിവർപൂളിന് അസാധാരണമായ തിരിച്ചുവരവ് നടത്താൻ സാധിച്ചു. മൂന്ന് ഗോളുകൾ നേടി മത്സരം സമനിലയിലാക്കി. എക്സ്ട്രാ ടൈമിലും സ്കോർ തുല്യമായി തുടർന്നു, നാടകീയമായ ഒരു പെനാൽറ്റി ഷൂട്ടൗട്ടിൽ കലാശിച്ചു.ലിവർപൂൾ ഗോൾകീപ്പർ ജെർസി ഡുഡെക് ആൻഡ്രി ഷെവ്ചെങ്കോയുടെ പെനാൽറ്റി രക്ഷപ്പെടുത്തി ഷൂട്ടൗട്ടിൽ ലിവർപൂളിന് 3-2 വിജയം ഉറപ്പാക്കി.
