ലിവര്പൂളിനായി ഗോൾ നേടുന്ന ഏറ്റവും പ്രായം കുറഞ്ഞ കളിക്കാരനായി റിയോ എൻഗുമോഹ ചരിത്ര പുസ്തകങ്ങളിൽ ഇടം നേടി. ന്യൂകാസിൽ യുണൈറ്റഡിനെതിരെ സെന്റ് ജെയിംസ് പാർക്കിൽ ലിവർപൂളിനായി ഗോൾ നേടുമ്പോൾ ഇംഗ്ലീഷ് താരത്തിന് 16 വയസ്സും 361 ദിവസവും പ്രായമാണുണ്ടായിരുന്നത്.
മത്സരത്തിന്റെ( 90+10-ാം) മിനിറ്റിലെ ഗോൾ വെയ്ൻ റൂണിയുടെ വിജയ ഗോൾ നേടുന്ന ഏറ്റവും പ്രായം കുറഞ്ഞ ഫുട്ബോൾ കളിക്കാരനെന്ന എക്കാലത്തെയും പ്രീമിയർ ലീഗ് റെക്കോർഡ് തകർക്കാനും യുവതാരത്തെ സഹായിച്ചു.2002 ഒക്ടോബർ 19-ന് ആഴ്സണലിനെതിരായ മത്സരത്തിന്റെ 89-ാം മിനിറ്റിൽ എവർട്ടണിനായി വിജയഗോൾ നേടുമ്പോൾ റൂണിക്ക് 16 വയസ്സും 362 ദിവസവും പ്രായമുണ്ടായിരുന്നു.ലിവർപൂളിനായി 73-ാം നമ്പർ ജേഴ്‌സി ധരിച്ച എൻഗുമോഹ, മത്സരത്തിന്റെ 90+6-ാം മിനിറ്റിൽ കോഡി ഗാപ്‌കോയ്ക്ക് പകരക്കാരനായി ഇറങ്ങി, നാല് മിനിറ്റിനുശേഷം തന്റെ ആദ്യ പ്രീമിയർ ലീഗ് ഗോൾ നേടി നാടകീയമായ വിജയം ഉറപ്പാക്കി.
16 – Rio Ngumoha is the second 16-year-old to score a winning goal in a Premier League game, after Wayne Rooney in October 2002 for Everton vs Arsenal; he is one day older (16 years, 361 days) than Rooney was that day. Entrance. pic.twitter.com/m3rerDZHId
— OptaJoe (@OptaJoe) August 25, 2025
ലിവർപൂളിനായി, ഡച്ച് മിഡ്ഫീൽഡർ റയാൻ ഗ്രാവൻബെർച്ച് കളിയുടെ 35-ാം മിനിറ്റിൽ ആദ്യ ഗോൾ നേടി, ഇടവേളയ്ക്ക് ശേഷമുള്ള ആദ്യ മിനിറ്റിൽ ഹ്യൂഗോ എകിറ്റികെ ലീഡ് ഇരട്ടിയാക്കി. രണ്ട് ഗോളുകൾക്കും കോഡി ഗാക്പോ അസിസ്റ്റ് ചെയ്തു, ആൻഫീൽഡിൽ ബോൺമൗത്തിനെതിരെ നടന്ന അവസാന മത്സരത്തിൽ അദ്ദേഹം ഒരു ഗോൾ നേടി.56-ാം മിനിറ്റ് വരെ 10 പേരടങ്ങുന്ന ന്യൂകാസിൽ ടീമിനെതിരെ 2-0 ന് മുന്നിലായിരുന്നെങ്കിലും, ബ്രൂണോ ഗുയിമറേസും (57-ാം മിനിറ്റ്) വില്യം ഒസുലയും (88-ാം മിനിറ്റ്) ആതിഥേയർക്കായി ഗോൾ നേടിയതിനെത്തുടർന്ന് ലിവർപൂൾ പോയിന്റുകൾ നഷ്ടപ്പെടുത്തുമെന്ന അവസ്ഥയിലെത്തി. എന്നാൽ എൻഗുമോഹയുടെ ഗോൾ ലിവർപൂളിന്റെ രക്ഷക്കായെത്തി.
UNBELIEVABLE!!!! 🤯 pic.twitter.com/P60Iq2kQdY
— Liverpool FC (@LFC) August 25, 2025
ആദ്യ പകുതിയുടെ ഇഞ്ചുറി ടൈമിൽ ന്യൂ കാസിൽ താരം അന്തോണി ഗാർഡൻ ചുവപ്പ് കാർഡ് കണ്ട് പുറത്ത് പോയിരുന്നു.ഈ വിജയത്തോടെ ലിവർപൂൾ രണ്ട് മത്സരങ്ങളിൽ നിന്ന് പരമാവധി പോയിന്റുകൾ നേടി മൂന്നാം സ്ഥാനത്താണ് .
