ഭൂതകാലത്തെ മറക്കുക, പോസിറ്റീവായി മുന്നോട്ട് നോക്കുക എന്ന സന്ദേശമാണ് മൈക്കൽ സ്റ്റാഹെയെ പുറത്താക്കിയതിന് പിന്നാലെ കേരള ബ്ലാസ്റ്റേഴ്സിൻ്റെ താൽക്കാലിക പരിശീലകനായി ചുമതലയേറ്റ ടി.ജി. പുരുഷോത്തമൻ ആദ്യം നൽകിയത്.കഴിഞ്ഞ ഏഴ് മത്സരങ്ങളിൽ ആറിലും തോറ്റ ശേഷം, ബ്ലാസ്റ്റേഴ്സ് ഞായറാഴ്ച കൊച്ചിയിലെ നെഹ്‌റു സ്റ്റേഡിയത്തിൽ ഐഎസ്എല്ലിൽ ഏറ്റവും താഴെയുള്ള മൊഹമ്മദൻ എസ്‌സിയുമായി കളിക്കുന്നു.
ഈ മത്സരം ബ്ലാസ്റ്റേഴ്സ് ടീമിന് വിജയവഴിയിലേക്ക് മടങ്ങാനുള്ള മികച്ച അവസരം നൽകുന്നു.ഇന്ത്യൻ സൂപ്പർ ലീഗ് 2024-25 സീസണിൻ്റെ ആദ്യ പകുതി അവസാനിക്കുമ്പോൾ, കേരള ബ്ലാസ്റ്റേഴ്‌സിന് ദയനീയമായ തുടക്കം. ഇതുവരെ കളിച്ച 12 മത്സരങ്ങളിൽ നിന്ന് 11 പോയിൻ്റുമായി അവർ നിലവിൽ ലീഗ് സ്റ്റാൻഡിംഗിൽ പത്താം സ്ഥാനത്താണ്.പുരുഷോത്തമൻ ഇടക്കാല മുഖ്യ പരിശീലകനെന്ന നിലയിൽ തൻ്റെ സമയം പരമാവധി പ്രയോജനപ്പെടുത്താനാണ് ഇപ്പോൾ ശ്രമിക്കുന്നത്. ഇന്നത്തെ മത്സരത്തിൽ പുരുഷോത്തമൻ വലിയ മാറ്റങ്ങൾ കൊണ്ടുവരാൻ പദ്ധതിയിട്ടിട്ടില്ല.ടീമിനെ ഒരുമിച്ച് കൊണ്ടുവരുന്നതിലും ഒരു യൂണിറ്റായി കൊട്നു പോവുന്നതിലുമാണ് അദ്ദേഹം ശ്രദ്ധ കേന്ദ്രീകരിക്കുന്നത് .
TG Purushothaman 🗣️ “We don't want to think about what happened in past, we are only thinking of what is next one, which is next match. As a team we need to perform & win the match.” #KBFC
— KBFC XTRA (@kbfcxtra) December 21, 2024
“ഞങ്ങൾ അവരെ നേരത്തെ തോൽപിച്ചിരുന്നു (കൊൽക്കത്ത, ഒക്ടോബർ 25) എന്നാൽ നാളെ ഇതൊരു പുതിയ മത്സരമാണ്. അവർ എന്താണ് ആസൂത്രണം ചെയ്തതെന്ന് ഞങ്ങൾക്കറിയില്ല, ഞങ്ങൾക്ക് ചെയ്യാൻ കഴിയുന്നത് ചെയ്യാൻ ഞങ്ങൾ പദ്ധതിയിടുന്നു, ലക്ഷ്യം കൈവരിക്കാൻ ഞങ്ങൾ ആഗ്രഹിക്കുന്നു, ”പരിശീലകൻ പറഞ്ഞു.ബ്ലാസ്റ്റേഴ്സിൻ്റെ മുൻനിര മികച്ചതായി കാണപ്പെടുമ്പോൾ, ബ്ലാസ്റ്റേഴ്സിൻ്റെ പ്രതിരോധവും ഗോൾകീപ്പറും ഈ സീസണിൽ ഇളകിയതായി കാണപ്പെട്ടു. എന്നാൽ ഇതിനു ആരുടെയും നേരെ വിരൽ ചൂണ്ടാനോ ശ്രമിക്കില്ലെന്ന് പുരുഷോത്തമൻ വ്യക്തമാക്കി.
“നിങ്ങൾക്ക് ഒരു പ്രത്യേക കളിക്കാരനെ ചൂണ്ടിക്കാണിക്കാൻ കഴിയില്ല, ഞങ്ങൾ ടീം വർക്കിൽ വിശ്വസിക്കുന്നു, എല്ലാം നല്ല രീതിയിൽ നേടാൻ ഞങ്ങൾ ഒരുമിച്ച് പോകും. കഴിഞ്ഞ കാലങ്ങളിൽ എന്താണ് സംഭവിച്ചതെന്ന് ചിന്തിക്കാൻ ഞങ്ങൾ ആഗ്രഹിക്കുന്നില്ല, അത് അവസാനിച്ചു” പരിശീലകൻ കൂട്ടിച്ചേർത്തു.മാത്രമല്ല വലിയ മാറ്റങ്ങളൊന്നും ഉടനടി ഉണ്ടാകില്ല. “ഒന്നോ രണ്ടോ മത്സരങ്ങൾക്കായി, ഞങ്ങൾ വിപ്ലവകരമായ മാറ്റങ്ങളൊന്നും സ്വീകരിക്കില്ല, ഞങ്ങളുടെ പരമാവധി ചെയ്യാനും മൂന്ന് പോയിൻ്റുകൾ നേടാനും ഞങ്ങൾ ഒരു ടീമിനെ ഉണ്ടാക്കാൻ ശ്രമിക്കുകയാണ്.”