കൊളംബിയക്കെതിരായ കോപ്പ അമേരിക്ക ഫൈനലിൻ്റെ രണ്ടാം പകുതിയിൽ ലയണൽ മെസ്സിക്ക് കണങ്കാലിന് പരിക്കേറ്റു. പരിക്ക് പറ്റിയതിനു ശേഷം അർജൻ്റീനിയൻ സൂപ്പർ താരം ബെഞ്ചിലിരുന്ന് കരയുന്നതാണ് കാണാൻ സാധിച്ചത്. എന്നാൽ മെസ്സിയുടെ അഭാവത്തിലും അര്ജന്റീന കോപ്പ അമേരിക്ക ഉയർത്തി തങ്ങളുടെ ക്യാപ്റ്റന് സമ്മാനിച്ചു.
കൊളംബിയയ്‌ക്കെതിരായ ഫൈനലിൻ്റെ 36-ാം മിനിറ്റിൽ എട്ട് തവണ ബാലൺ ഡി ഓർ ജേതാവ് കണങ്കാലിന് പരിക്കേറ്റെങ്കിലും 66-ാം മിനിറ്റ് വരെ അദ്ദേഹം കളി തുടരുന്ന കാഴ്ചയാണ് കാണാൻ സാധിച്ചത്.ബെഞ്ചിൽ തൻ്റെ വീർത്ത കണങ്കാലിന് ഒരു ഐസ് പായ്ക്ക് കെട്ടിയിട്ടു പറഞ്ഞുകൊണ്ടിരിക്കുന്ന മെസ്സിയെയാണ് ആരാധകർ കണ്ടത്.37-കാരൻ പുറത്ത് പോയപ്പോൾ സ്കോർ ഗോൾ രഹിതമായിരുന്നു.അധിക സമയത്ത് പകരക്കാരനായി ഇറങ്ങിയ ലൗട്ടാരോ മാർട്ടിനെസ് വിജയവും റെക്കോർഡ് 16-ാം കോപ്പ കിരീടവും ഉറപ്പിച്ചു.
ടീമംഗങ്ങളായ ഏഞ്ചൽ ഡി മരിയ, 36 കാരനായ നിക്കോളാസ് ഒട്ടമെൻഡി എന്നിവർക്കൊപ്പം ക്യാപ്റ്റൻ മെസ്സി ട്രോഫി ഉയർത്തി.ആഘോഷങ്ങൾക്ക് ശേഷം മെസ്സി തൻ്റെ പരിക്കിൻ്റെ അപ്‌ഡേറ്റ് പോസ്റ്റ് ചെയ്യാൻ സോഷ്യൽ മീഡിയയിൽ എത്തി.“കോപ്പ അമേരിക്ക അവസാനിച്ചു, സന്ദേശങ്ങൾക്കും ആശംസകൾക്കും എല്ലാവർക്കും നന്ദി പറയാൻ ഞാൻ ആദ്യം ആഗ്രഹിക്കുന്നു. ഞാൻ നന്നായി ചെയ്യുന്നു, ദൈവത്തിന് നന്ദി, ഞാൻ ഏറ്റവും ഇഷ്ടപ്പെടുന്ന കാര്യങ്ങൾ ആസ്വദിച്ച് ഉടൻ തന്നെ എനിക്ക് വീണ്ടും കോർട്ടിൽ എത്താൻ കഴിയുമെന്ന് പ്രതീക്ഷിക്കുന്നു, ”മെസ്സി ഇൻസ്റ്റാഗ്രാമിൽ കുറിച്ചു.
“ഞങ്ങൾ ഒരു ടീമും ഒരു കുടുംബവുമാണ്, ഒരു ഗംഭീര ഗ്രൂപ്പാണ്. ഞങ്ങളെ പിന്തുണച്ച എല്ലാവർക്കും നന്ദി, ഈ ദേശീയ ടീമിന് ഒരുപാട് വർത്തമാനവും ഒരുപാട് ഭാവിയുമുണ്ട്”മെസ്സി കൂട്ടിച്ചേർത്തു.മെസ്സിയുടെ കണങ്കാലിന് പരിക്കേറ്റതിൻ്റെ വ്യാപ്തി ഇതുവരെ വ്യക്തമല്ലെങ്കിലും, മേജർ ലീഗ് സോക്കറിൽ ഇൻ്റർ മിയാമിക്ക് വേണ്ടിയുള്ള ചില മത്സരങ്ങൾ അദ്ദേഹത്തിന് നഷ്ടമാകുമെന്നാണ് ഇതിനർത്ഥം.സെപ്തംബറിൽ ചിലി, കൊളംബിയ എന്നിവർക്കെതിരായ ലോകകപ്പ് യോഗ്യതാ മത്സരത്തിൽ അർജൻ്റീന വീണ്ടും കളിക്കും.