ഇന്ത്യൻ സൂപ്പർ ലീഗിൽ ഇന്ന് കൊച്ചിയിൽ നടക്കുന്ന മത്സരത്തിൽ കേരള ബ്ലാസ്റ്റേഴ്സ് എഫ്സി ഗോവയെ നേരിടും.നിലവില്‍ ഒന്‍പത് കളിയില്‍ പതിനൊന്ന് പോയിന്റുമായി പട്ടികയില്‍ ഒന്‍പതാമതാണ് ബ്ലാസ്റ്റേഴ്സ്. ഗോവയാകട്ടെ പന്ത്രണ്ട് പോയിന്റുമായി പട്ടികയില്‍ ആറാമതും.കഴിഞ്ഞ മത്സരത്തില്‍ കരുത്തരായ ചെന്നൈ എഫ്‌സിയെ തിരില്ലാത്ത മൂന്ന് ഗോളിനാണ് ബ്ലാസ്റ്റേഴ്സ് തോല്‍പ്പിചിരുന്നു.
പോയിന്റ് പട്ടികയിൽ ആറാം സ്ഥാനക്കാരായ ഗോവയും നിസാരക്കാരല്ല. ബെംഗളൂരു എഫ്‌സിയെയും പഞ്ചാബ് എഫ്‌സിയെയും പരാജയപ്പെടുത്തിയാണ്‌ ഗോവ എത്തുന്നത്‌. കേരള ബ്ലാസ്റ്റേഴ്‌സിനെതിരായ ഏറ്റുമുട്ടലിനെക്കുറിച്ച് എഫ്സി ഗോവ ഹെഡ് കോച്ച് മനോലോ മാർക്വേസ് പ്രതീക്ഷകൾ പങ്കുവെച്ചു.ബംഗളൂരു എഫ്‌സിക്കും പഞ്ചാബ് എഫ്‌സിക്കും എതിരെ നിർണായക വിജയങ്ങൾ നേടിയതിന് ശേഷം ഉയർന്ന നിലവാരത്തിൽ അന്താരാഷ്ട്ര ഇടവേളയിൽ പ്രവേശിച്ച ശേഷം ക്ലബ്ബിന് പുതിയ ജീവൻ ലഭിച്ചു.
Manolo Marquez 🗣️ “It's always nice to play in Kerala because when you start to play football you want to play in this type of atmosphere.” @_iamclinton_ #KBFC pic.twitter.com/7BbkDz1ZUc
— KBFC XTRA (@kbfcxtra) November 26, 2024
“ഇടവേളയ്ക്ക് മുമ്പ് ഞങ്ങൾക്ക് രണ്ട് കടുത്ത മത്സരങ്ങൾ ഉണ്ടെന്ന് ഞങ്ങൾക്കറിയാമായിരുന്നു, ഞങ്ങൾക്ക് ആറ് പോയിൻ്റ് ലഭിച്ചു. അത് ഇടവേള ഞങ്ങൾക്ക് വളരെ നല്ലതാക്കി.ആറ് പോയിൻ്റുകളിൽ വളരെ മികച്ചതായിരുന്നു. ഇപ്പോൾ, നമുക്ക് തുടരേണ്ടതുണ്ട്. ഇതാണ് അടുത്ത മത്സരം ”മനോലോ മാർക്വേസ് പറഞ്ഞു.”ഞങ്ങൾ നന്നായി പരിശീലിക്കുന്നു, ഞങ്ങൾക്ക് ഒരു നല്ല സീസൺ ലഭിക്കുമെന്ന് ഞാൻ ഇപ്പോഴും വിശ്വസിക്കുന്നു,” സ്പെയിൻകാരൻ പറഞ്ഞു.
“കേരളത്തിൽ കളിക്കുന്നത് എല്ലായ്പ്പോഴും സന്തോഷകരമാണ്. അവരുടെ ആരാധകർ സ്റ്റേഡിയത്തിലേക്ക് അവിശ്വസനീയമായ ഊർജ്ജം കൊണ്ടുവരുന്നു, അത് ഒരു പ്രത്യേക അനുഭവമാക്കി മാറ്റുന്നു”തൻ്റെ മുൻകാല കൊച്ചി സന്ദർശനങ്ങൾ അനുസ്മരിച്ചുകൊണ്ട് അദ്ദേഹം പറഞ്ഞു.“കൊച്ചിയിൽ കഴിഞ്ഞ സീസണിൽ കളിച്ച മത്സരത്തിൽ ആദ്യപകുതിയിൽ ഞങ്ങൾ മികച്ച പ്രകടനം നടത്തിയിരുന്നു. എന്നാൽ രണ്ടാമത്തെ പകുതി കഴിഞ്ഞ സീസണിലെ ഞങ്ങളുടെ ഏറ്റവും വലിയ ദുസ്വപ്‌നങ്ങളിൽ ഒന്നായിരുന്നു. കൊച്ചിയിലെ ആരാധകർ ഗോളുകൾ നേടാൻ ബ്ലാസ്‌റ്റേഴ്‌സിനെ സഹായിച്ചുവെന്നാണ് എനിക്ക് തോന്നിയത്.” മാർക്വസ് പറഞ്ഞു.
കഴിഞ്ഞ സീസണിൽ, ഈ മത്സരം ഹോം ആരാധകർക്ക് ആഘോഷത്തിൻ്റെ രാത്രിയായിരുന്നു.കഴിഞ്ഞ സീസണിൽ നടന്ന മത്സരത്തിൽ പതിനേഴാം മിനുട്ടിൽ തന്നെ രണ്ടു ഗോളുകൾക്ക് മുന്നിലെത്തിയ ഗോവക്കെതിരെ ബ്ലാസ്റ്റേഴ്സ് വിജയം നേടിയിരുന്നു.ബ്ലാസ്റ്റേഴ്സ് രണ്ടിനെതിരെ നാല് ഗോളുകൾക്ക് വിജയം നേടിയ മത്സരത്തിൽ എൺപതാം മിനുട്ടിനു ശേഷമാണ് മൂന്നു ഗോളുകളും പിറന്നത്.